Mae Renishaw yn ddarparwr byd-eang sy’n arwain y farchnad o ran technolegau gweithgynhyrchu, offerynnau dadansoddi a dyfeisiau meddygol.
Mae ein cyfuniad unigryw o waith ymchwil arloesol a chynhyrchion sy’n torri tir newydd yn helpu ein cwsmeriaid i ddatrys heriau cymhleth ym maes peirianneg a gwyddoniaeth, sy’n golygu ein bod ni’n cyffwrdd â biliynau o fywydau ar draws y byd.
Beth yw Prentis Peiriannydd Gweithgynhyrchu?
Bydd y Brentisiaeth Gradd strwythuredig hon yn rhoi cyfle i’r ymgeiswyr llwyddiannus astudio ar gyfer gradd BEng mewn Peirianneg Integredig tra’n gweithio ar leoliadau gwaith cyffrous a heriol.
Dyluniwyd y rhaglen i gynhyrchu peirianwyr sydd â gwybodaeth a sgiliau eang mewn mwy nag un o’r disgyblaethau peirianneg traddodiadol. Mae’r brentisiaeth hon yn integreiddio dysgu seiliedig ar waith, ar ffurf prosiect diwydiannol arwyddocaol, gyda myfyrio parhaus am gymhwyso’r sgiliau a ddysgwyd gennych yn y gweithle.
Beth bydda i’n ei wneud?
Ym Mlwyddyn 1 byddwch yn gweithio yn ein cyfleuster gweithgynhyrchu ym Meisgyn. Byddwch yn dysgu sut mae cydrannau mecanyddol yn cael eu peiriannu a’u prosesu i greu’r darnau gorffenedig, gan ddeall agweddau hanfodol y prosesau a’u gweithrediad.
Bydd Blynyddoedd 2 i 5 yn cynnwys lleoliadau penodedig yn y grwpiau peirianneg gweithgynhyrchu technegol sy’n rhan o’r Is-adran Gwasanaethau Gweithgynhyrchu (MSD), a fydd yn caniatáu i chi weithio ar brosiectau a chynhyrchion go iawn, gan gynnwys gweithgareddau megis:
Bydd yr astudiaethau ar gyfer y radd yn parhau ar sail ran-amser, gan ganiatáu i chi ddal ati i ddatblygu eich gwybodaeth ddamcaniaethol.
Pa gymhwyster byddaf yn ei gael?
Byddwch chi’n astudio ar gyfer gradd BEng mewn Peirianneg Integredig trwy Goleg G?yr, Abertawe (ym mlynyddoedd 1, 2 a 3) ac Ysgol Beirianneg Prifysgol Caerdydd (blynyddoedd 4 a 5).
Cyflwynir y cymhwyster trwy ddull dysgu cyfunol gyda chyfuniad o hyfforddiant a gweithgareddau dysgu wyneb yn wyneb yng Ngholeg G?yr, Abertawe ac Ysgol Beirianneg Prifysgol Caerdydd, cyflwyno darlithoedd a dosbarthiadau enghreifftiol ar-lein, a dysgu seiliedig ar waith yn eich gweithle.
Bydd elfen y prosiect seiliedig ar waith yn digwydd yn gyfan gwbl yn eich gweithle ac yn cael ei bennu mewn ymgynghoriad â Renishaw er mwyn cyflawni prosiect sy’n cynnig budd gwirioneddol i’r busnes yn ogystal â bodloni deilliannau dysgu’r modiwl.
Ble byddaf yn gweithio?
Mae’r rôl hon wedi’i lleoli ar ein safle ym Meisgyn, ger Llantrisant, De Cymru. O bryd i’w gilydd, efallai y bydd gofyn i chi deithio i safleoedd eraill Renishaw i weithio. Bydd angen i chi allu teithio’n annibynnol i’r coleg ac i’r gwaith. Efallai y bydd dewisiadau gweithio hybrid ar gael, yn dibynnu ar y rôl.
Pa sgiliau a chymwysterau sydd eu hangen arnaf i?
Rhaid i’r ymgeiswyr feddu ar y canlynol:
